کافی عرصے سے بالی ووڈ میں لمبی اداکارائیں جیسے دپیکا پڈوکون اور کیریتی سینن کے ساتھ ساتھ نسبتاً چھوٹے قد کی اداکارائیں جیسے عالیہ بھٹ بھی کام کر رہی ہیں۔ اب قد کا فرق زیادہ مسئلہ نہیں سمجھا جاتا اور کسی اداکارہ کو اس وجہ سے مواقع کم نہیں ملتے۔

کافی عرصے سے بالی ووڈ میں لمبی اداکارائیں جیسے دپیکا پڈوکون اور کیریتی سینن  کے ساتھ ساتھ نسبتاً چھوٹے قد کی اداکارائیں جیسے عالیہ بھٹ بھی کام کر رہی ہیں۔ اب قد کا فرق زیادہ مسئلہ نہیں سمجھا جاتا اور کسی اداکارہ کو اس وجہ سے مواقع کم نہیں ملتے۔
جب پوجا بترا فلموں میں باقاعدگی سے کام کرتی تھیں، اُس وقت صورتحال مختلف تھی۔ انہیں یہ ثابت کرنے کے لیے بہت محنت کرنا پڑتی تھی کہ وہ اپنے سے کم قد والے اداکاروں کے ساتھ بھی ہیروئن بن سکتی ہیں۔ دلچسپ بات یہ ہے کہ صرف سلمان خان ہی ایسے اداکار تھے جنہیں اس بات سے کوئی مسئلہ نہیں تھا۔
ہارپرز بازار انڈیا سے گفتگو کرتے ہوئے پوجا بترا نے بتایا کہ لمبا قد ہونے کی وجہ سے اداکاری کا سفر آسان نہیں تھا۔ کئی بار انہیں کیمرے کے سامنے اسپلٹ کرنا پڑتا تھا تاکہ وہ ہیرو کے برابر یا اُس سے چھوٹی دکھائی دیں۔
انہوں نے کہا کہ ’’یہ بہت مشکل تھا۔ مجھے یاد ہے سنگیتا بجلانی نے مجھ سے کہا تھاکہ ’’تم فلموں میں کامیاب نہیں ہو سکتیں کیونکہ تم بہت لمبی ہو۔وہ میری آئیڈیل ہیں۔ میں نے ہر کردار میں اپنی پوری کوشش کی، حالانکہ کئی ہیروز میرے قد کی وجہ سے خود کو غیر محفوظ محسوس کرتے تھے۔ یہ سچ ہے کہ مجھے اپنے قد کی وجہ سے بہت سی فلمیں اور اچھے کردار نہیں ملے۔‘‘

یہ بھی پڑھئے:والمارٹ کے صدر نے ہندوستان کو دنیا کا گروتھ انجن قراردیا

انہوں نے مزید کہا کہ ’’میں نے لمبی اداکاراؤں کے لیے راستہ بنایا، اس لیے میرا شکریہ ادا کرو۔ میں کیمرے کے سامنے اسپلٹ کرتی تھی تاکہ ہیروز لمبے دکھائی دیں۔ سین کے دوران مجھے اپنے پیر پھیلا کر کھڑا ہونا پڑتا تھا لیکن سلمان کو کبھی مسئلہ نہیں ہوا۔ وہ ہمیشہ کہتے تھے ’’اپنی ہیلز پہنو، مجھے کوئی مسئلہ نہیں۔‘‘ وہ اپنی شخصیت میں بہت پراعتماد تھے۔‘‘

یہ بھی پڑھئے:کنال کھیمو نے ’’مڈگاؤں ایکسپریس ۲‘‘ کی تصدیق کی

تمام مشکلات کے باوجود سلمان خان واحد اداکار تھے جنہوں نے نہ کبھی انہیں شرمندہ کیا اور نہ ہی اُن کے قد کو مسئلہ بنایا۔ سلمان اتنے پراعتماد تھے کہ وہ پوجا کو ہیلز پہننے کی بھی حوصلہ افزائی کرتے تھے، چاہے اسکرین پر وہ اُن سے چھوٹے ہی کیوں نہ لگیں۔دونوں نے ۲۰۰۰ء  میں کہیں پیار نہ ہو جائے ، میں ایک ساتھ کام کیا اور اگرچہ پوجا نے کئی بڑے اداکاروں کے ساتھ فلمیں کیں، لیکن سلمان واحد اداکار تھے جو اُن کے ساتھ پورے اعتماد سے کھڑے رہے۔